Esan dugun bezala, dantza eta musika tradizionala adierazpen natural moduan ulertzen duten dantza eta musika maisuez osaturik dago AIKO taldea. Eta ideia hau, dantza ulertzeko modu hau zabaldu nahi dugu. Horretarako, modurik egokiena tailerrak, ikastaroak eta abar eskeintzea iruditzen zaigu. Formato ezberdinak behar ezberdinetarako, beti ere zenbait alderdi sustatuz: zuzeneko musika ahal den neurrian, ikasketaren alde ludikoa, dantzen kokapen historiko kulturala...

AIKOren ikastaro eta tailerren eskeintza zabal eta anitza, dantzaldietako musika eta dantza ekitaldi praktikoa osatzera dator. Iraupen eta edukin ezberdineko ikastaroak eta tailerrak, dantzan eta musikan interesaturik daudenentzat, baina baita ere dantza irakasle eta monitorentzat eta orokorrean irakaskuntzan aritzen diren profesionalentzat. Bukaeran etortze zihurtagiriak eta, dagokionean, material didaktikoa banatuko da.

AIKOren tailerrak, lan ekitaldi bakarrean jakinduria eta ezagupena modu intentsibo batean hedatzeko diseinaturik daude, "demo" edo "clinic" baten modura.

Ikastaroak aldiz, iraupen luzeago batekin antolatzen ditugu, eta eduki pedagogikoen programazioa ikaslego eta helburuei egokiro mailakatuz.