Gure folklorean dugun dantzen alderdi ikusgarri, berezi eta teknikoena gozatu ahal izateko "Maisuak" formatu txikiko ikuskizuna sortu du Aikok. Kalitate haundiko dantzariak eta musikariak modu berezko eta naturalean dantzatzen eta jotzen, baina, era berean, gure dantzen teknika landuenak erakusten. Dantza eta musika apaindurarik gabe (horregaitik batzutan anti-ikuskizuna dela esatea gustatzen zaigu). "Maisuak" gure herriaren musika eta dantza maisu ezberdinen pasadizo eta oroipenen bidez gure dantzaren historiari gainbegirada labur bat.