Dantzarako musika egitea gogoko dugulako, dantzatzea maite dugulako, jotzen, dantzan eta irakasten dihardugu. Eta guretzat musika eta dantza uztarturik doaz berez: elkarren osagarri eta lagungarri. Horrela, Aiko taldeko ikerketa eta garapeneko departamentuan, musikari eta dantzariak elkarrekin lanean aritzen gara: doinu berriak proposatuz, koreografia jakin baterako musika egokituz, erritmo arazoak aztertuz eta landuz, e.a. Helburua, dantzatzeko egokia den musika sortzea. Elkar-lan horren ondorioa da gure lehen CD-a, 21 musika pieza dantzatzeko: mazurka, txotisa, pasodoblea, jota, porrua, baltsa...

CDa 2007.urtearen hasieran grabatu genuen Andoaingo Garate estudioetan, eta nahaketak egin ondoren, Tio Petek duen Laute disko sigiluarekin argitaratu genuen.